Заняткі па адукацыйнай галіне Мастацкая літаратура
28.02.2023Педагагічны калектыў ДУА “Дзіцячы сад № 5 г. Івацэвічы” ужо другі год у якасці асноўнага напрамку працы з дзецьмі, выбірае іх далучэнне да беларускай нацыянальнай культуры праз дзіцячую літаратуру і фальклор. Творы вуснай народнай творчасці змалку ўваходзяць у дзіцячае жыццё; на прыкладзе знаёмых вобразаў, праз нескладаныя сюжэты, выхоўвае веру ў дабро, справядлівасць, раскрывае маральна-этычныя погляды беларусаў, дае магчымасць прывіць любоў і павагу да роднага слова.
З мэтай выканання задач гадавога плану намеснікам загадчыка Кукк Л.Г. былі наведаны заняткі па адукацыйнай галіне “Мастацкая літаратура” ва ўсіх ўзроставых групах. Мэта: выявіць стан работы педагогаў з дзецьмі дашкольнага ўзросту па далучэні іх да твораў беларускай мастацкай літаратуры і фальклору . На занятках выхавацелі выкарыстоўвалі такія формы работы як слуханне вершаў, казак, адгадванне і загадванне загадак, тлумачэнне прыказак і прымавак, знаёмства з творчасцю беларускіх пісьменнікаў Я.Коласа і Я.Купалы, І. Муравейкі, А. Дзеружынскага і іншых, пераказ літаратурных твораў, тэатралізаваную дзейнасць дзяцей. Заняткі праведзены на добрым прафесійным узроўні, мэты і задачы дасягнуты ў поўным аб'ёме. Выхавальнікі падрыхтавалі для адукацыйнай дзейнасці насычаны, цікавы наглядны матэрыял, умела арганізавалі прадметна-прасторавае асяроддзе групы. Заняткі садзейнічаюць ацэньванню і развіццю эфектыўнасці прымяняемых метадаў навучання дзяцей, дазваляюць улічваць вопыт педагогаў з мэтай перанясення яго зместу ў сваю педагагічную практыку.
Намеснік загадчыка па асноўнай дзейнасці | Кукк Л.Г. |